Reglur

Leikreglur

Leiktími 2 x 8 mín (hálfleikur er í 1-2 mínútur)

5 leikmenn inn á leikvelli í hverju liði

Bolti #3

Upphafsspyrnur og útspörk:

Ekki má skora úr innkasti, upphafsspyrnu eða beint úr útsparki (þegar markmaður heldur á boltanum og sparkar út), jafnvel þó markmaður verji hann inn.
Þegar markmaður byrjar með boltann við markspyrnu á andstæðingurinn
að bakka aftur fyrir miðju. Þjálfarar og dómarar aðstoða við það að halda þessari reglu í leikjum.

Sending til baka:

Markmaður má alltaf taka bolta með höndum innan vítateigs ef sent er til baka á hann

Aukaspyrnur:

Innköst og hornspyrnur

Ef boltinn fer út fyrir hliðarlínu eða aftur fyrir endalínu skal taka innspark eða knattrak.
- Innspark: Bolti er lagður kyrr á hliðarlínu (eða þar sem endalína og hliðarlína skerast ef um horn er að ræða) og honum komið í leik með sendingu. Óheimilt er að lyfta bolta hærra en í hnéhæð með innsparki. Óheimilt er að skora beint úr innsparki.
- Knattrak: Bolti er lagður kyrr á hliðarlínu (eða þar sem endalína og hliðarlína skerast ef um horn er að ræða) og honum komið í leik með því að rekja boltann af stað frá hliðarlínu.
Varnarmaður má staðsetja sig í 2ja metra fjarlægð frá þeim stað sem innkast eða hornspyrna er tekin

Vítaspyrnur:

Annað:

Engin úrslit verða skráð með meira en 3ja marka mun þó leikir vinnist stærra. (7-0 sigur er skráður 3-0 og 7-1 sigur skráður 4-1 og svo fr.v.)
Skoruð mörk skipta ekki í lokin heldur markamunur (munur á skoruðum mörkum og fengnum á sig).
Ef lið verða jöfn að stigum í lokin ræður innbyrðis viðureign, eftir það markamunur (m.v. +3 regluna). Ef enn er jafnt verður varpað hlutkesti
Í úrslitaleikjum um 1. sæti er fimm mínútu framlenging og ef það er jafnt að henni lokinni er uppkast.
Í úrslitaleikjum um 3. sæti eða neðar er uppkast strax að leik loknum.
Ef leiðrétta þarf úrslit skal koma þeim skilaboðum áfram til mótsstjórnar eins fljótt og auðið er.

ATH. Hundar eru bannaðir á vallarsvæðinu.