Skagfirðingar sigruðu í 4 greinum

18. Silfurleikar ÍR var haldnir í Laugardalshöllinni í Reykjavík laugardaginn 16. nóvember.    

Metþátttaka var á leikunum sem haldnir eru árlega til heiðurs Vilhjálmi Einarssyni og silfurverðlaunum hans í þrístökki á Olympíuleikunum 1956. Alls kepptu nú 772 börn og unglingar, 17 ára og yngri, frá 29 félögum og samböndum, víðsvegar að af landinu.

Árangur Skagfirðinga var glæsileikur á leikunum, unnu sigur í 4 greinum og voru alls 12 sinnum í verðlaunasætum:

Fríða Ísabel Friðriksdóttir (15) sigraði í þrístökki og 60m grindahlaupi, varð í 2. sæti í 60m og 3. sæti í 200m.

Þorgerður Bettína Friðriksdóttir (16-17) sigraði í 60m grindahlaupi, varð í 2. sæti í 60m og 3. sæti í 200m.

Guðný Rúna Vésteinsdóttir (11) sigraði í kúluvarpi.

Sveinbjörn Óli Svavarsson (16-17) varð í 2. sæti í 60m grindahlaupi og 3. sæti í 60m.

Vésteinn Karl Vésteinsson (14) varð í 2. sæti í kúluvarpi.

Ragna Vigdís Vésteinsdóttir (16-17) varð í 3. sæti í hástökki.

Til hamingju með glæsilegan árangur !  

Öll úrslit á Silfurleikum ÍR.