Unglingaflokkur í undanúrslit eftir sigur á Keflvíkingum

28.01.2014
Tindastóll komst í kvöld í undanúrslit í bikarkeppni unglingaflokki eftir 83-70 sigur á Keflavík sem er í öðru sæti í unglingaflokki. Nokkuð jafnræði var með liðunum en Tindastóll þó alltaf skrefinu á undan og vann alla fjóra leikhlutana. Strákarnir leiddu 24-20 eftir fyrsta leikhluta og 47-39 í hálfleik. Jafnt var á með liðunum í þriðja leikhluta og áfram leiddu strákarnir 65-56. 

Í fjórða leikhluta fór mótlætið að fara í taugarnar á gestunum sem fóru í óþarfabrot og uppskáru tvær tæknivillur á stuttum tíma. Lokatölur eins og áður segir 83-70. Stigahæstir hjá Tindastól voru þeir Ingvi með 25 stig og Sigurður Páll með 14 stig.

Lið Tindastóls: Ingvi, Agnar, Þröstur, Pétur, Friðrik Stefáns, Finnbogi, Árni, Viðar, Hannes, Sigurður Páll, Friðrik Hrafn og Arnar. 



Til baka