Búningapöntun yngri flokkanna

Nú er að fara af stað búningapöntun fyrir yngri flokkana og eru foreldrar beðnir um að senda inn pantanir sem allra fyrst, eða fyrir 20. október.

Unglingaráð niðurgreiðir búningana eins og áður í samstarfi við Sparisjóð Skagafjarðar, eða um 2.300 krónur, en hlutur iðkenda að þessu sinni er kr. 5.500 krónur og má leggja það inn á reikning unglingaráðs.

Pöntunarblað má finna HÉR, það er hægt að prenta og fylla út og koma í framhaldinu til Önnu Steinunnar Friðriksdóttur í unglingaráði fyrir 20. október. Á pöntunarblaðinu má finna allar upplýsingar um greiðslu á búningunum.

Varðandi númer á búningana, eru iðkendur í Íslandsmótsflokkunum hvattir til þess að fá sér númer á bilinu 4-15 og leita samráðs við þjálfara í sínum flokki og aðra iðkendur, svo ekki verði margir með sömu númerin.