Skemmtilegir dagar framundan í Síkinu

Á fimmtudagskvöldið á meistaraflokkur karla leik gegn Snæfell í 9. umferð deildarinnar. Leikurinn hefst venju samkvæmt kl:19.15.

Á laugardaginn mætir Helga Einars með sitt lið og spila KR stelpurnar gegn heimastúlkum í meistaraflokki kvenna. Þetta er annað árið í röð sem stelpurnar okkar dragast á móti úrvalsdeildarliði, auk þess að fá heimaleik, í fyrstu umferð bikarkeppni. Skemmtilegt það. Stelpurnar hefja leik kl: 16.00.

Á sunnudeginum endar meistaraflokkur karla þessa leikjatörn og taka á móti Grindavík í bikarnum. Strákarnir lögðu Grindavík í Röstinni á mánudagskvöldið síðasta og gaman væri að endurtaka þann leik, þ.e. að fá sigur.

Við hvetjum sem fyrr alla til að mæta og styðja við okkar fólk.

Áfram Tindastóll!