Veisla aðra helgina í röð

14.01.2014
Meistaraflokkur kvenna á leik á laugardaginn gegn toppliði Breiðabliks og hefst leikurinn kl 14:30 í síkinu. Sýndu Stelpurnar gegn Fjölni að allt er hægt með baráttu og vilja, vonandi sjá sem flestir sér fært að mæta og hvetja þær til sigurs.

Meistaraflokkur karla heldur í víking og ræðst á borg óttanns með látum ef ég þekki þá rétt. Byrja helgina á föstudag gegn Augnablik í smáranum, hefst leikurinn þar kl 20:00. Á sunnudag eiga þeir leik í 8 liða úrslitum gegn Fjölni í Powerade bikarnum í dalhúsum hefst sá leikur kl 19:15. Hvet alla brottflutta skagfirðinga að mæta á þessa leiki og sýna samstöðu með strákunum, það er alltaf gaman að leika í bænum og finna hve mikinn stuðning við höfum þar. Áfram Tindastóll 
Til baka