Fótboltafréttir

Þrír strákar eru búnir að fá leikheimild með Tindastól fyrir næsta sumar. Guðni er búinn að skipta yfir í Tindastól frá Drangey og það sama má segja um Kára Eiríkis. Tindastóll er einnig búnir að fá Sigurð Hrannar Björnsson yfir til sín en hann var leikmaður Fram á síðustu leiktíð. Við bjóðum þessa stráka velkomna í hópinn.

Hollenska efstudeildar félagið FC Zwolle hefur gengið frá samningum við Rúnar Má Sigurjónsson, Skagfirðing og fyrrverandi leikmann Tindastóls. Rúnar Már var sem kunnugt er einn besti leikmaður Pepsi-deildarinnar í fyrra og spilaði sinn fyrsta A-landsleik á dögunum. Flest allir og þar á meðal Rúnar sjálfur bjuggust við að hann færi til GIF Sundsvall í Svíþjóð en Hollenska liðið kom inn í myndina á síðustu stundu og náðu þeir að klófesta drenginn. Knattspyrnudeildin óskar Rúnari til hamingju með árangurinn og er ekki í nokkrum vafa að litla gervigrasið okkar hérna á Króknum hafi hjálpað Rúnari á leið sinni.

Arion banka mótið er innanflokksmót Tindastóls og eru það sjö yngstu flokkar félagsins sem tóku þátt. Allir voru velkomnir á þetta skemmtilega mót, hvort sem krakkarnir æfa fótbolta eða ekki. FeykirTV kíkti á mögnuð knattspyrnutilþrif laugardaginn sl.

Tindastóll hefur fengið besta leikmann síðasta tímabils aftur í sínar raðir. Strax eftir síðasta leik í fyrra fólust Valsmenn eftir kröftum hans, og skipti hann yfir í sitt uppeldisfélag. Eddi hefur hinsvegar ákveðið að flytja búferlum alfarið norður á Sauðárkrók og gengið var frá lánssamningi við Edda út tímabilið. Þetta er gríðarlega mikill styrkur fyrir okkur og bjóðum við strákinn hjartanlega velkominn norður í sæluna.

Undanfarin kvöld hafa verið fundir með foreldrum knattspyrnuiðkenda. Á þessum fundum hafa foreldraráð verið skipuð og ýmislegt rætt sem viðkemur fótboltanum. Í kvöld eru fundir með foreldrum krakka í 4. og 3. flokki en sökum landsleiks í handbolta þá hefur verið ákveðið að breyta fundartímunum sem hér segir:

Ben Everson sem spilaði með okkur síðasta sumar er gengin til liðs við York City. York City spilar í League Two, sem er fjórða efsta deild á Englandi. Ben er búinn að vera á "Trial" hjá York í 3-4 vikur og leyst stjóra liðsins vel á Ben og samdi við hann til loka leiktíðar. York er í 15.sæti deildarinnar með 35.stig. Knattspyrnudeildin óskar Ben til hamingju með samningin.

Bókaútgáfan Tindur hefur gefið út bókina Íslensk knattspyrna 2012 eftir Víði Sigurðsson en þetta er 32. árið í röð sem árbók knattspyrnunnar á Íslandi kemur út. Bókin er 256 blaðsíður og þar af 112 síður í lit. Hún er prýdd um 370 myndum, m.a. liðsmyndum af sigurvegurum í öllum flokkum á Íslandsmótinu.

Konráð Freyr Sigurðsson hefur verið valin áfram á úrtaksæfingar hjá U19 ára landsliði Íslands. Æfingar eru um þessa helgi í Reykjavík.

Fyrr í dag afhenti FISK Seafood á Sauðárkróki Tindastóli veglega gjöf. Það var fólksflutningabifreið að gerðinni Mercedes Benz Sprinter 519 CDI. Bifreiðin er ný og beint úr kassanum. Bifreiðin tekur 17 farþega og er sérstaklega gott bil á milli sætanna og eins er mjög mikið pláss fyrir töskur og farangur enda er bifreiðin sérlega löng. Í bifreiðinni er einnig afþreyingakerfi sem inniheldur m.a. DVD skjá og spilara.

Halldór Jón Sigurðsson ( Donni ) hefur skrifað undir tveggja ára samning við knattspyrnudeild Tindastóls og mun stýra liði m.fl. karla þann tíma. Donni tók við liðinu um mitt sumar árið 2010 og kom liðinu upp í 1.deild. S.l. sumar stýrði hann liðinu í þeirri deild þar sem liðin spilaði oft á tíðum gríðarlega skemmtilegan fótbolta og vakti athygli margra.