Fréttir

Tindastólsmenn sýndu Haukum enga miskunn í Schenken-höll þeirra Hafnfirðinga í kvöld þegar heimamenn voru lagðir í parket næsta auðveldlega. Stólarnir áttu góðan leik bæði í vörn og sókn og höfðu yfirhöndina frá byrjun til enda en fremstur í flokki var Darrel Lewis sem var óstöðvandi í fyrri hálfleik. Staðan í einvígi liðanna er nú 2-0 fyrir Tindastól en þriðji leikur liðanna verður á Króknum á mánudag.

Sveitafélagið Skagafjörður mun bjóða uppá fría sætaferð á leikinn.

sigurvegari leiksins fer í 4 liða úrslit. Allir að mæta og styðja við bakið á strákunum. Áfram Tindastóll

Tindastóll tók á móti liði Hauka í fyrsta leik í undanúrslitarimmu liðanna í Dominos-deildinni í Síkinu í kvöld. Stólarnir náðu undirtökunum upp úr miðjum fyrsta leikhluta og létu forystuna aldrei af hendi þrátt fyrir ágætan kafla gestanna seint í þriðja leikhluta. Fjórði leikhluti var síðan bara völtun og Tindastólsmenn fögnuðu 30 stiga sigri að lokum, 94-64.

Núna þurfa strákarnir á öllum þínum stuðningi að halda, algjör skyldumæting er á þessa leiki. Áfram Tindastóll.

Tindastóll og Þór Þ mætast í þriðja sinn á föstudaginn í 8 liða úrslitum. Núna fyllum við Síkið og stöndum þétt við bakið á strákunum.