Fréttir

Meistaramót Íslands í frjálsíþróttum, fyrir 15-22 ára, fór fram í Reykjavík 11.-12. janúar. ÍR-ingar áttu langfjölmennasta liðið og sigruðu með yfirburðum í stigakeppninni. Skagfirðingar stóðu sig vel að vanda.

Frjálsíþróttadeild Tindastóls óskar íþróttafólki sínu, fjölskyldum þeirra og Skagfirðingum öllum, gæfu og gengis á nýju ári. Kærar þakkir til ykkar fyrir gott starf og stuðning á gamla árinu.

Jóhann Björn Sigurbjörnsson, frjálsíþróttamaður úr Tindastól, var valinn „Íþróttamaður Skagafjarðar 2013“.

Frjálsíþróttadeild Tindastóls sendir Skagfirðingum og öllu íþróttafólki, nær og fjær, bestu jóla- og nýárskveðjur. Þökkum stuðninginn á árinu sem er að líða.

Jólamót UMSS í frjálsíþróttum verður haldið í Varmahlíð miðvikudaginn 18. desember og hefst það kl.16:30. Keppt verður í aldursflokkum 10 ára og eldri.

Frjálsíþróttaiðkendur í Skagafirði eru að safna fyrir ferð á Gautaborgarleikana. Nú eru boðnar lúxusrækjur á kr. 2000 / kg. Tekið er við pöntunum til 10. desember.

Uppskeruhátíð frjálsíþróttafólks í Skagafirði fór fram sunnudaginn 24. nóvember. Jóhann Björn Sigurbjörnsson og Þóranna Ósk Sigurjónsdóttir voru útnefnd „Frjálsíþróttafólk Skagafjarðar 2013“ í karla- og kvennaflokkum. Fríða Ísabel Friðriksdóttir og Haukur Ingvi Marinósson voru valin efnilegust í flokki 11-15 ára.

Frjálsíþróttaráð UMSS og Frjálsíþróttadeild UMFT halda uppskeruhátíð sína sunnudaginn 24. nóvember og hefst hún kl. 18 í Hátíðasal FNV.

Frjálsíþróttaunglingarnir í UMSS ráðgera keppnisferð á Gautaborgarleikana næsta sumar. Í fjáröflunarskyni efna þau til kökubasara föstudaginn 22. nóvember á Sauðárkróki og í Varmahlíð.

Silfurleikar ÍR voru haldnir í Laugardalshöllinni laugardaginn 16. nóvember. Metþátttaka var á leikunum og kepptu alls 772 börn og unglingar frá 29 félögum og samböndum. Skagfirðingar stóðu sig mjög vel, unnu sigur í 4 greinum og voru alls 12 sinnum í verðlaunasætum.