Fréttir

Frjálsíþróttasambandið hefur birt nýjan lista yfir “Úrvalshóp unglinga 15-22 ára”. Í hópnum er alls 91 unglingur, þar á meðal eru nú sjö Skagfirðingar.

“48. Bikarkeppni FRÍ í frjálsíþróttum” fór fram í Reykjavík helgina 31. ágúst og 1. september. Lið ÍR bar sigur úr býtum í fimmta sinn í röð. Norðlendingar sendu sameiginlegt lið, skipað íþróttafólki úr UMSS, UFA, UMSE og HSÞ, og varð liðið í 3. sæti.

"Bikarkeppni FRÍ fyrir 15 ára og yngri" fór fram á Kópavogsvelli sunnudaginn 25. ágúst. 12 lið komu frá öllum landshlutum og lið UMSS hafnaði í 8. sæti heildarstigakeppninnar.

Norðurlandameistaramótið í frjálsíþróttum, fyrir 19 ára og yngri, fer fram í Espoo í Finnlandi 17.-18. ágúst. Í íslenska hópnum eru 8 stúlkur og 8 piltar, þau sem hafa staðið sig best á mótum sumarsins, meðal þeirra er Jóhann Björn Sigurbjörnsson Tindastól.

"Þristurinn", frjálsíþróttakeppni fyrir 11-15 ára, milli liða frá UMSS, USAH og USVH, fór fram á Blönduósvelli 14. ágúst. Austur-Húnvetningar sigruðu í heildarstigakeppninni, Skagfirðingar urðu í 2. sæti og Vestur-Húnvetningar í 3. sæti.

"Meistaramót Íslands í frjálsíþróttum, fyrir 15-22 ára" fór fram í Kópavogi helgina 10.-11. ágúst. Skagfirðingar lönduðu 6 Íslandsmeistaratitlum og unnu alls til 22 verðlauna.

"16. Unglingalandsmót UMFÍ" var haldið á Höfn í Hornafirði um verslunarmannahelgina. Þrátt fyrir fremur kalda og vindasama daga, gekk mótið vel fyrir sig og þátttakendur skemmtu sér vel.

"Unglingalandsmót UMFÍ" er haldið um verslunarmannahelgina á Höfn í Hornafirði. Mótið er vímulaus skemmtun ungmenna með fjölbreyttri íþróttakeppni, sem hefur fyrir löngu sannað sig sem vinsælasta útihátíðin fyrir unglinga um verslunarmannahelgina.

Aðalhluti „Meistaramóts Íslands í frjálsíþróttum 2013“ fór fram á Þórsvelli á Akureyri helgina 27.- 28. júlí. Keppendur voru um 150, þar af 5 frá UMSS. Björn Margeirsson varð í 2. sæti í 1500m hlaupi og Jóhann Björn Sigurbjörnsson í 3. sæti í 100m hlaupi.

"Meistaramót Íslands í frjálsíþróttum 2013", aðalhluti, fer fram á Þórsvelli á Akureyri helgina 27.- 28. júlí. Flest af besta frjálsíþróttafólki landsins mætir til leiks.