Fréttir

Mark Magee, 24 ára gamall enskur sóknar- og miðvallarleikmaður hefur gengið í raðir Tindastóls. Magee lék með u16 og u18 ára liðum Bristol City en fór til Bandaríkjanna árið 2010 þar sem hann lék með Rockhurst háskólanum. Magee kemur til Íslands í lok apríl.

Í kvöld kl.19:30 leikur drengjaflokkur Tindastóls við Njarðvíkinga í átta liða úrslitum hér heima. Hvetjum alla til að mæta og styðja strákana áfram í undanúrslitin. Áfram Tindastóll !

Frá knattspyrnudeild Tindastóls Tindastóll hefur fengið til sín Jose Figura, 21 árs gamlan enskan leikmann sem lék með Redbridge háskólanum frá 2009 – 2011. Jose Figura er miðvallarleikmaður og mun koma til landsins í lok aprílmánaðar.

M.fl. karla lék tvo leiki um helgina og báða á Akureyri. Fyrri leikurinn var við Dalvík/Reyni og tapaðist hann 1-2. Seinni leikurinn var við Völsung og endaði hann með jafntefli 2 - 2

Fundur verður haldinn þriðjudaginn 8. apríl kl. 20:00 í Vallarhúsinu á Sauðárkróki. Fjallað verður um framkvæmd keppni í frjálsíþróttum á ULM 2014, sem fram fer á Sauðárkróki um verslunarmannahelgina. Allt áhugafólk er hvatt til að mæta.

Markvörðurinn Sebastian Furness mun ekki leika með liði Tindastóls í 1.deildinni í sumar. Alvarleg veikindi í fjölskyldu hans gera það að verkum að hann mun ekki koma til landsins en Tindastóll hafði samið við hann um að leika með liðinu þriðja árið í röð. Sebastian var fyrirliði liðsins á síðasta ári enda frábær einstaklingur í alla staði. Í vetur var hann ráðinn aðstoðarþjálfari liðsins fyrir komandi tímabil og miklar vonir og væntingar bundnar við þennan góð liðsmann og félaga. Nú hafa því miður orðið breytingar og ljóst að hann mun ekki leika með liðinu í ár. Hugur leikmanna og stuðningsmanna Tindastóls er hjá fjölskyldu hans.

Markvörðurinn Sebastian Furness mun ekki leika með liði Tindastóls í 1.deildinni í sumar. Alvarleg veikindi í fjölskyldu hans gera það að verkum að hann mun ekki koma til landsins en Tindastóll hafði samið við hann um að leika með liðinu þriðja árið í röð. Sebastian var fyrirliði liðsins á síðasta ári enda frábær einstaklingur í alla staði. Í vetur var hann ráðinn aðstoðarþjálfari liðsins fyrir komandi tímabil og miklar vonir og væntingar bundnar við þennan góð liðsmann og félaga. Nú hafa því miður orðið breytingar og ljóst að hann mun ekki leika með liðinu í ár. Hugur leikmanna og stuðningsmanna Tindastóls er hjá fjölskyldu hans.

Skrifaði I. Martin undir þriggja ára samning við félagið

Tindastóll gerir samstarfssamning við Elche á Spáni. Fjórir leikmenn úr herbúðum Spánska liðsins Elche munu leika með Tindastóli í sumar. Tindastóll sem hefur orðið fyrir nokkurri blóðtöku á síðustu mánuðum hefur samið við Elche á Spáni um lán á leikmönnum í sumar, en liðið leikur í efstu deild þar í landi. Fulltrúi Tindastóls er staddur á Spáni en þar voru samningar undirritaðir í gær. Þessir leikmenn sem um ræðir ættu að styrkja leikmannahóp Tindastóls verulega en allir leikmennirnir koma upp úr miðjum apríl til landsins. Þeir hafa spilað með varaliði félagsins og einnig verið á leikskýrslu hjá félaginu í efstu deild. Leikmennirnir eru Juan Davis og Diego Alejandroo sem eru báðir miðvallarspilarar og svo José Emmanuel og Alex Esteban sem eru hinsvegar sterkir sóknarmenn. Tindastóll mun senda tvo leikmenn erlendis á hverju hausti sem fá að æfa með félaginu en þetta er liður í samstarfi félaganna.

Tindastóll styrkir leikmannahóp sinn fyrir sumarið. Tindastóll er að ganga frá samningum við erlenda leikmenn sum munu leika með liðinu í sumar. Búið er að skoða leikmennina og eru aðeins eftir nokkur smáatriði þannig að hægt verði að loka því dæmi. Leikmennirnir eru væntanlegir til landsins í aprílmánuði.