Fréttir

Tindastóll tapaði í kvöld gegn BI/Bol á Ísafirði, lokatölur 2-0. Fyrsta markið kom eftir hornspyrnu en þær ætla að reynast okkur erfiðar í sumar. Seinna markið kemur eftir að við missum boltann klaufalega og þeir refsa okkur. Næsti leikur er heimaleikur gegn Leikni. Nú bara að rífa sig upp og gera betur næst.

Eins og undanfarin ár stendur UMFÍ fyrir frjálsíþróttaskóla á Sauðárkróki. Skólinn stendur nú yfir 22.- 26.júlí, undir stjórn Árna Geirs Sigurbjörnssonar. Skólinn er jafnt fyrir krakka sem hafa stundað frjálsíþróttir, og þau sem viljast kynnast íþróttunum.

Annar heimaleikur tímabilsins var í gær og unnu strákarnir glæsilegan 2-1 sigur á liðinu í 2.sæti deildarinnar. Fín stemmning myndaðist í stúkunni og áhorfendur skemmtu sér konunglega í rigningunni í gær. Næsti heimaleikur er um helgina þegar Leiknismenn koma í heimsókn. En sá leikur verður auglýstur síðar.

10.umferð 1.deildar fer fram í dag. Haukar úr Hafnafirði koma í heimsókn á Sauðárkróksvöll. Leikurinn hefst kl:19:15 og vonumst við eftir að sjá sem flesta á vellinum og hvetja okkar stráka áfram. Mætum rétt búin og skemmtum okkur á vellinum í kvöld. Áfram Tindastóll

Aðalfundur körfuboltadeildar Tindastóls var haldinn í kvöld að viðstöddu fjölmenni. Kosið var um nýjan formann.

Tindastóll mætti Víking á föstudaginn síðasta. Um var að ræða leik í 9.umferð 1.deildar. Niðurstaða leiksins var 1-1 jafntefli þar sem Elvar Páll Sigurðsson skoraði fyrir okkar menn eftir góða uppbyggingu frá Edda og Beattie. Eftir leikinn eru okkar menn með 8.stig í þriðja neðsta sæti. Næsti leikur er heimaleikur gegn Haukum á föstudaginn

Tindastólsstúlkur mættu á Hertz völlinn 3. júlí síðastliðinn og tóku þaðan með sér 3 stig og 6 mörk.

Veðurguðirnir skeyttu skapi sínu á Landsmótsgestum á Selfossi um helgina. Í frjálsíþróttakeppninni stóðu Skagfirðingar sig vel að vanda. Fríða Ísabel Friðriksdóttir vann til bronsverðlauna í þrístökki kvenna, og sama gerðu ungu strákarnir í 4x100m boðhlaupi karla.

27. Landsmót UMFÍ verður haldið á Selfossi 4-7.júlí. Sigrún Þóra Karlsdóttir keppir í sundi í 4 greinum f.hönd UMSS. Sundið er fyrir hád laugardag og sunnudag. Keppnin byrjar kl. 10