Fréttir

Nóvembermót UFA fer fram í Boganum sunnudaginn 11. nóvember. Á mótinu keppa 23 Skagfirðingar.

Veðrið setur strik í mótahald KKÍ um helgina, því búið er að fresta móti 8. flokks stúlkna sem halda átti hérna um helgina. Þá hefur mótið hjá 8. flokki drengja sem vera átti á Akureyri á morgun laugardag, verið flutt yfir á sunnudag með öðrum tímasetningum.

Max Touloute sem spilaði með Tindastól síðasta sumar og væntanlega flestir Króksarar tóku eftir hefur verið valinn í landslið Haiti. Haiti mun spila leik gegn Grenada eftir helgi og verður áhugavert hvort Max muni spila þann leik. Haiti er númer 57 á styrkleikalista FIFA en þess má til gamans geta að við Íslendingar vermum sæti númer 96 á þeim lista. Knattspyrnudeildin óskar Max til hamingju með þennan árangur.

Nú er önnur umferð fjölliðamótanna að hefjast um næstu helgi og eru það fjórir flokkar sem hefja umferðina. 8. flokkur stúlkna keppir hér heima, stúlknaflokkur í Grafarvogi, 8. flokkur drengja á Akureyri og 11. flokkur drengja í Kópavogi. Þá spilar unglingaflokkur karla við Breiðablik á laugardaginn.

Tindastóll tekur á móti Keflvíkingum í Domino's deildinni Í KVÖLD í Síkinu. Eftir tap í þremur fyrstu leikjunum hafa þeir Suðurnesjamenn unnið tvo leiki í röð, en okkar menn eru enn án sigurs.

Strákarnir í drengjaflokki eru í ágætri stöðu eftir leik sinn við Njarðvík um helgina, sem þeir unnu örugglega 106-88. Þeir hafa nú unnið þrjá leiki en tapað einum og eru í fínni stöðu í sínum riðli.

Tindastóll hefur forystu í sínum riðli í Lengjubikarnum og í kvöld mæta þeir liði Fjölnis í Grafarvoginum. Strákarnir unnu Stjörnuna í mjög góðum leik um síðustu helgi og núna þarf að láta kné fylgja kviði.

Þið sem ætlið að senda krakkana á sundæfingu í dag, þá verður inniæfing í sundlauginni einhverjar teyjur og þrek. (mjög gott að koma með íþróttaföt og skó) ATH..Sækjum ekki í árvist í dag. Þegar er vont veður er það val foreldra hvort krakkar mæti. Góða helgi!!! Þorgerður og þjálfarar.

Búið er að breyta aldurstakmarki morgunæfinganna sem eru tvisvar í viku. Nú eru það iðkendur í 8. bekk sem fá einnig að mæta á æfingarnar sem eru á þriðjudögum og fimmtudögum kl. 06.40.