Fréttir

Tindastóll og Stjarnan mættust í lokaumferð Dominos-deildarinnar í Síkinu í kvöld. Stólarnir höfðu tapað í tvíframlengdum steinbít í Njarðvík á mánudagskvöldið en í sömu umferð höfðu Garðbæingar kjöldregið Keflvíkinga. Það var því mikilvægt fyrir Stólana að eiga góðan leik í kvöld og komast á sigurbraut fyrir úrslitakeppnina. Það gerðu þeir svo sannarlega eftir flotta frammistöðu í síðari hálfleik og niðurstaðan tuttugu stiga sigur. Lokatölur 87-67.

Á aðalfundi UMF Tindastóls sem haldinn var í gær var nýr formaður og stjórn kosin. Sitjandi formaður, Sigurður Helgi Sigurðsson gaf ekki kost á sér til áframhaldandi starfa en í stað hans var Jón Kolbeinn Jónsson kosinn formaður.

Stórleikur 20. umferðar Dominos-deildarinnar fór fram í Síkinu í kvöld. Óhætt er að segja að mikil eftirvænting hafi ríkt hjá stuðningsmönnum Tindastóls fyrir leikinn og stemningin í Síkinu sjóðheit og hressandi. Leikurinn reyndist hin besta skemmtun fyrir heimamenn sem fóru á kostum í vörn og sókn og sigruðu Íslandsmeistara KR af fádæma öryggi. Lokatölur 105–80 og allir með!

Aðalfundur Júdódeildar Tindastóls var haldinn í mötuneyti FNV í gær.

Í forsíðufrétt Stundarinnar stígur fjöldi kvenna fram og segir frá kynferðislegu ofbeldi og kynferðislegri áreitni sem þær urðu fyrir af hendi fyrrverandi starfsmanns og leikmanns knattspyrnudeildar félagsins. Kemur þessi frétt í kjölfar #MeToo umræðunnar þar sem konur í fjölmörgum greinum stigu fram og sögðu frá sinni reynslu af kynferðislegri áreitni, kynferðislegu ofbeldi, þöggun og lítilsvirðingu. Konur í íþróttum voru þar á meðal og áttu sumar af þeim sögum sem nístu hjartað hvað mest. Þessar frásagnir kvennanna í Stundinni gerðu það einnig.

Ísak Óli Íslandsmeistari í 60m grindahlaupi / 1 gull og 3 silfur til UMSS.

Í dag var sameiginleg æfing allra iðkenda Júdódeildar Tindastóls ásamt iðkendum frá Júdófélaginu Pardusi á Blönduósi.

Á aðalfundi knattspyrnudeildar sem haldinn var í gær, var ákveðið að boða til aukaaðalfundar þann 7. mars nk. Á aukaaðalfundi verða reikningar deildarinnar lagðir fram til samþykktar en ekki tókst að ljúka vinnu við reikningana fyrir fundinn í gær og verður sá liður í fundargerðinni því afgreiddur á aukafundi ásamt því að aðrir liðir verða endurteknir. Þó greindi Bergmann Guðmundsson, formaður deildarinnar frá stöðunni í rekstri deildarinnar í nokkuð ítarlegri framsögu.

20. febrúar 2018.

Aðalfundur UMF Tindastóls verður haldinn þriðjudaginn 6. mars nk. kl. 18:00 að Víðigrund 5. Allir velkomnir. Dagskrá skv. lögum félagsins.