Fréttir

Stúlknaflokkur, 9. flokkur stúlkna og drengjaflokkur töpuðu öll undanúrslitaleikjum sínum í Íslandsmótinu í Njarðvík núna um helgina og hafa því lokið keppni í vetur.

Látinn er í Gautaborg einn þekktasti frjálsíþróttaþjálfari Svía, Pekka Dahlhöjd. Hann þjálfaði marga Íslendinga og hélt eftirminnilegt námskeið hér heima á Sauðárkróki 1997.

Það er langt síðan Tindastóll hefur átt svo mörg lið í úrslitakeppni Íslandsmótsins og nú. Alls hafa 4 lið þegar tryggt sér sæti í fjögurra liða úrslitunum og unglingaflokkur karla er kominn í 8-liða úrslit. Núna um helgina eru það stúlknaflokkur, drengjaflokkur og 9. flokkur stúlkna sem spila á fyrri úrslitahelgi Íslandsmótsins í Njarðvík.

Vegna Vormóts Molduxa, falla allar æfingar hjá körfuknattleiksdeildinni niður á laugardag.

Haukarnir hafa tilkynnt að þeir sjái sér ekki fært að klára Íslandsmótið í unglingaflokki karla og gefa því leikinn við Tindastól í kvöld.

Yngri flokkar Tindastóls rokka feitt þessa dagana og í kvöld tekur unglingaflokkur karla á móti Haukum í frestuðum leik frá því fyrr í vetur. Strákarnir hafa þegar tryggt sér sæti í 8-liða úrslitum Íslandsmótsins, en með sigri ná þeir 2. sæti í sínum riðli, sem gefur heimavallarrétt í 8-liða úrslitunum.

Frjálsíþróttasambandið hefur birt lista yfir þau sem skipa „Afrekshóp FRÍ 15-22 ára 2013“. Alls er 21 einstaklingur í hópnum, meðal þeirra er Jóhann Björn Sigurbjörnsson Tindastól, sem valinn er vegna afreka sinna í 100m og 200m hlaupum. Unnið er að gerð lágmarka fyrir „Úrvalshóp unglinga FRÍ“ og verður listi yfir hópinn birtur fljótlega.

Drengjaflokkurinn er fjórða liðið hjá Tindastóli sem tryggir sér sæti í undanúrslitum Íslandsmótsins, en strákarnir tóku Grindvíkinga í kennslustund í Síkinu í gær.

Strákarnir í drengjaflokki hafa tryggt sér annað sætið í sínum riðli Íslandsmótsins og eru því komnir í 8-liða úrslitin. Þau hefjast strax á morgun þriðjudag, þegar Grindvíkingar koma í heimsókn.

Hið árlega minniboltamót Þórsara, Kjarnafæðismótið, verður haldið í Síðuskóla á Akureyri, á kosningadaginn sjálfan, þann 27. apríl. Tindastóll stefnir á þátttöku nokkurra liða á mótinu, en gjaldgengir eru krakkar frá 6. bekk og niður.