Fréttir

Hún verður örlagarík lokaumferðin í Domino's deildinni sem fram fer á sunnudagskvöld. Nýkrýndir deildarmeistarar, Grindavík, munu þá koma í heimsókn og etja kappi við okkar menn, sem eru í harðri baráttu fyrir tilverurétti sínum í deildinni.

Unglingaflokkur karla tekur á móti ÍR-ingum í kvöld í Síkinu og hefst leikurinn kl. 19.30.

Hann getur heldur betur reynst afdrifaríkur leikurinn við ÍR-inga syðra á fimmtudagskvöldið. Með sigri geta Tindastólsmenn náð Skallagrími að stigum og þar með skotist upp í 8. sætið, tapi þeir fyrir KR á útivelli, en með meira en 6 stiga tapi, jafnar ÍR Tindastól að stigum og kemst upp fyrir á innbyrðisviðureignum.

Körfuknattleiksþing verður haldið í Íþróttamiðstöðinni Laugardal um næstu helgi. Fyrir þinginu liggja nokkrar stórar tillögur, þó sínu stærst tillaga frá Fjölni og Njarðví, um að í úrvalsdeild karla skuli fjórir íslenskir ríkisborgarar vera á vellinum í einu, í stað þriggja eins og nú er.

Yngri flokkar körfuknattleiksdeildar Tindastóls munu á mánudag, ganga í hús í bænum og safna flöskum til styrktar starfinu. Eru bæjarbúar beðnir um að taka vel á móti krökkunum.

4.flokkur karla tapaði úrslitaleik Greifamóts KA naumlega, en frammistaða drengjana var til fyrirmyndar. Tindastóll sendi til leiks eitt lið á Greifamóti - KA um helgina. Mótið er fyrir stráka í 4.flokku en það eru strákar fæddir 1999 og 2000 en yngri árgangurinn er að spila í fyrsta sinn á stórum velli......

Varnarjaxlinn og grunnskólakennarinn Bjarki Már Árnason sem hefur leikið með liði Tindastóls undanfarin ár og liði Drangeyjar í fyrra hefur skipt yfir í Magna frá Grenivík sem leikur í 3.deild.

Það er skammt stórra högga á milli hjá strákunum í meistaraflokknum þessa dagana. Yfir stendur hatrömm barátta um síðasta lausa sætið í úrslitakeppninni og til að halda þeirri baráttu lifandi, verða strákarnir að leggja Njarðvíkinga að velli á fimmtudagskvöld. Kl. 16 fimmtudag spila þessi lið í undanúrslitum Bikarkeppni 11. flokks drengja og eftir meistaraflokksleikinn er komið að leik liðanna í unglingaflokki karla.

Hið árlega konukvöld til stryktar körfuknattleiksdeildinni verður haldið á laugardaginn kemur á Mælifelli. Þessi viðburður hefur verið afar vel sóttur og mikið stuð, auk þess að skila drjúgum tekjum í sjóði körfuknattleiksdeildar.

Guðlaug Rún Sigurjónsdóttir hefur verið valin í U-16 ára landslið stúlkna sem tekur þátt í Norðurlandamótinu í Solna í Sviþjóð í maí n.k.